Samschtig: Wie scho fascht traditonell, hemer au das Jahr wieder euisi beliebti Live Band Old Kitchen Rockers Chöne bueche. Gueti Stimmig isch wie immer garantiert. Da sPlatzangebot wie immer sehr knapp isch lohnt sichs immer frühezietig reserviere. Bitte beachte !!!!!!!! wer in Rhue sis Cordon Bleu wett gnüsse, unbedingt beziite cho. Start Live Musik isch am achti und Türöffnig zum Appero isch am vieri. Ab em vierie chamer au scho euisi feine Cordon Bleu bschtelle und in Rue gnüsse.

Sunntig: Dank dem grosszügige entgegecho, vom jetzige no Pächter vom Pöstli, Hermann Huser, hemer das Jahr fürs Love Ride chöne, Biergarte-Bar und Gartewirtschaft für euise grosse tag reserviere. Au hemer möglichkeit Eui allne euises neue Häxehüsli zeige. Sehr gern, machet mir uf euie Wunsch Füerige durs baldige neuie Häxehüsli. Fürs leibliche Wohl hemer au das Jahr feini Sache vom Grill. Für gueti Stimmig a de Bar sorgt euise Häxebese Moni. Mit feine Drinks, Bier und Wiie simmer für euie Durscht au parat. Eifach es bitzeli zäme höckle, cooli verbifahrendi Töff bestuhne und Seel, für es paar stund bambele la. Zuedem planet mir no en Wettbewerb. Jetzt hoffemer eifach no uf brachtvolles Wetter.

Nach wunderbare 21 Jahr mues euses Häxehüsli Wohnblöch wiche. I dere lange Ziit hemmer so vieli gueti Mensche dörfe kenne lerne und vieli schöni Fründschafte gschlosse.

Nachdem mer de ersti grossi Schock vo dere Neuigkeit überwunde händ, simmer zämägsesse, händ gstudiert, ghirnet, g'philosophiert und die ganzi Nacht Plän gschmidet. Jetzt simmer stolz, dass mer e Lösig gfunde händ und eu allne die frohi Botschaft verchünde chönd!!!!

Eusi Cordonbleu gits wiiter, s'Häxerudel ziet nur grad über t'Strass is jetztige Restaurant Pöstli, mitem gliche konzept und allem drum und dra.

Wie und wenn mer züglet erfahred ihr sobald mir s'gnaue Datum wüssed. Bis denn simmer sehr gern wie bis anhin im alte Häxehüsli mit freud und Elan für eu da.

Sönne, Vige, ZeZe und s'Häxeteam

Bei uns bekommen Sie das unverwechselbare, einzigartige und erstklassige Cordon-bleu in 18 verschiedenen Varianten sowie weitere Schweizer Spezialitäten wie z.B. verschiedene Spätzli Pfännli. Vo eusere Krüzi gebts no so viel verzähle. Weisch was, chum doch eifach emal verbi und la di überrasche!

Wener nöd so spontan wänd sie, keis Problem denn sinder jetz genau i de Richtige Home Page. Lueg alles in Rue a, vom Team über Spieskarte bis zu de Events und wenn den gluschtig worde bisch, denn tuender es Plätzli reserviere.

Kulinarisch sind öisi, immer frisch zuebereitete, mitlerwiele Land uf und ab bekannte Cordon-Bleu, sicher euses Markezeiche. Kei Luscht uf Cordon-Bleu? Keis Problem, zu öisne 18 verschiedene cordon-bleu i drü verschiedene grössi, denn hämer au no es grosses a la carte angebot, wo sicher jede chlini oder grossi hunger, stille chan.über de mittag erwartemer eusi gäscht mit mindeschtens sechs priswerte mittags-menu.Am Mittag sowie am Abig isches doch emdpfehlenswert gschwind azlüte und es Plätzli reserviere.

Zwüschet dure lömer amix e chli Häx ufen Bese rite, wies bi öis ide Krüzi heisst. Im Klartext: Mer hend no vieli fätzigi Events. Oeb das Live Musik ( vom Blues bis zum Handörgeler), e Silvester Party oder eifach es gmüetlich Plausch Jass Turnierli isch, ebe mer lönd eifach zwüschet dure Häx ufem Bese rite.